XOGANDO A SER CIENTÍFICOS

Por fin comezamos cos nosos experimentos!!!
Depois de ler as instrucións e atender ás explicacións, fixemos "trucos de maxia" con base científica. Sabes o que pasa cando mesturas vinagre e bicarbonato? E se pintas nun folio con limón e lle das calor? Para coñecer estes e outros misterios da ciencia, xa sabes, ven á biblioteca!!!

MES DA CIENCIA

Ola nenos e nenas:
Este mes, é o mes da ciencia e, para celebralo, imos realizar na biblioteca todo tipo de experimentos. Xogaremos a ser científicos e manipularemos diferentes obxectos e elementos para conseguir cousas que case parecen maxia.
Así que, xa sabedes, tanto se vos gusta a ciencia coma se non, pasade nos recreos pola biblioteca. Estades todos e todas invitados.

CARRETE DE LECTURAS

Moi boas, nenos e nenas:
     Aquí tedes algunhas fotos da actividade. Fixéchedes un traballo fantástico recomendando lecturas aos demais. Seguide así e seredes uns grandes lectores e lectoras.
    Isto vai vento en popa.

DÍA DA BIBLIOTECA

     

Ola nenos e nenas:
     O día 24 de outubro, celébrase o Día da Biblioteca e, para conmemoralo, imos realizar un "Carrete de lecturas". Que é iso? Pronto o saberedes.

      De momento, ide pensando no voso libro favorito. Algún que vos gustou especialmente e que queirades recomendar aos compañeiros e ás compañeiras.

Moitos bicos.

                                                                           SABELA

O mar

O MAR

        Benvidos, mariñeiros e mariñeiras. Comezamos un novo curso e temos preparada unha nova aventura. Sabela vainos levar ao mar e alí coñeceremos todo o que sucede por dentro e por fora del.          Estades preparados? 
       Lembrade que xa tedes traballo. Sodes quen de completar a mensaxe misteriosa?

       

Surca os mares e investiga

esta viaxe hai que facela

imos todos a montar

no gran barco de Sabela

 DÍA DO LIBRO

      Como actividade conmemorativa do Día do Libro, marchamos todos a ler ao patio do colexio. Os maiores contamos contos aos pequenos e pasámolo xenial. Aquí tedes unhas imaxes. 

 

Día do libro 2016 from CEIP Rubians on Vimeo.

O CEMAL EN ACCIÓN!!!

 

      Neste vídeo, temos una pequena mostra que nos amosa o fantástico traballo que está a levar a cabo o noso equipo médico.

 

 

CEMAL from CEIP Rubians on Vimeo.

Atención, atención:
       Faise saber a todo o alumnado do CEIP de Rubiáns que será convocado polo CEMAL nas vindeiras semanas para unha minuciosa revisión médico-lectora. Nela, establecerase un tratamento individualizado co que se pretende curar todos os males de espíritu, aledar almas, arrincar sorrisos, cultivar coñecementos e fomentar a imaxinación.
       Así que, xa sabedes, estade atentos á vosa cita médica.