luns, 21 de novembro de 2016

XOGANDO A SER CIENTÍFICOS

Por fin comezamos cos nosos experimentos!!!
Depois de ler as instrucións e atender ás explicacións, fixemos "trucos de maxia" con base científica. Sabes o que pasa cando mesturas vinagre e bicarbonato? E se pintas nun folio con limón e lle das calor? Para coñecer estes e outros misterios da ciencia, xa sabes, ven á biblioteca!!!

venres, 11 de novembro de 2016

MES DA CIENCIA

Ola nenos e nenas:
Este mes, é o mes da ciencia e, para celebralo, imos realizar na biblioteca todo tipo de experimentos. Xogaremos a ser científicos e manipularemos diferentes obxectos e elementos para conseguir cousas que case parecen maxia.
Así que, xa sabedes, tanto se vos gusta a ciencia coma se non, pasade nos recreos pola biblioteca. Estades todos e todas invitados.

xoves, 3 de novembro de 2016

CARRETE DE LECTURAS

Moi boas, nenos e nenas:
     Aquí tedes algunhas fotos da actividade. Fixéchedes un traballo fantástico recomendando lecturas aos demais. Seguide así e seredes uns grandes lectores e lectoras.
    Isto vai vento en popa.