Recomendacións de lectura: verán 2020

SABELA PRESENTA...LETRAS GALEGAS 2020!

Boas a tod@s,

Atopámonos en Maio, no Mes das Letras, e o vindeiro día 17 celebraremos o Día das Letras Galegas.

Este ano dedícaselle á figura de Ricardo Carvalho Calero. Así que para coñecer a este escritor, creamos uns xogos interactivos: un encrucillado e unha sopa de letras.
Para acceder aos xogos, unha vez que lle deades a comezar, debedes clicar na icona "pantalla completa" que está arriba á dereita.







Nestas páxinas de Seminariogalán.org e da Real Academia Galega tamén podedes acceder á biografía do autor e a diferentes actividades tanto descargables coma interactivas. Só tedes que clicar nas imaxes.

                          

Esperamos que disfrutedes e aprendades con estes xogos e recursos sobre a figura deste escritor tan importante da historia da nosa lingua e literatura galega.

Sabela deséxavos FELIZ SEMANA DAS LETRAS GALEGAS!!

Ata pronto!

FELIZ DÍA DO LIBRO!

Boas a tod@s,

Vedes como as sorpresas aínda non remataban? Para celebrar este día temos dúas para todos vós.

A primeira é este marabilloso conto, elixido este ano para esta data tan especial polos valores que representa e que leva por título "Vivan las uñas de colores". Está contado con moito agarimo por todo o profesorado do cole.

A segunda é outro conto porque o día o merece! Esta vez de mans da nosa profe auxiliar de conversa, Mónica e titúlase "My dog is smelly as dirty socks".

Esperamos que os disfrutedes!

De parte de Sabela e de todo o profesorado , MOI FELIZ DÍA DO LIBRO!

SABELA PRESENTA...A SEMANA DO LIBRO!

Boas,

Benvid@s á Semana do Libro!!
O próximo xoves 23 de abril conmemórase o Día do Libro e, para celebralo, Sabela proponvos varias opcións con actividades relacionadas co mundo dos contos e dos libros, deixando voar a vosa imaxinación e creatividade.

Estas actividades son cortesía de @profecristina

Se vos animades a realizar algunhas das actividades, podedes enviarnos o resultado para compartilo ao correo da biblio: bibliorubians@gmail.com

Tamén vos deixamos uns marcapáxinas de Sabela, caracterizada de personaxes de cine, que podedes descargar no seguinte enlace e colorear ao voso gusto.

MARCAPÁXINAS PARA DESCARGAR

Por último, a editorial Baía permítenos durante este confinamento o acceso a libros en galego e por idades para que os cativ@s disfruten da literatura na nosa lingua, facendo un uso responsable dos mesmos. Deixámosvos aquí o enlace á editorial:
https://baiaedicions.gal/editorial/baia-edicions-con-vos-na-casa/

E aínda nos queda algunha sorpresa máis...!!
Ata pronto!


#Sabelaquedanacasa
#Rubiánsquedanacasa

2 ABRIL-DÍA INTERNACIONAL DO LIBRO INFANTIL!

Boas!!

Para conmemorar o Día Internacional do libro infantil, Sabela, a través de Galix (a Asociación Galega do libro infantil e xuvenil), convídavos a participar no concurso organizado por dita asociación "Un poema na túa voz".

Así, para estes días de confinamento, GALIX da a oportunidade de participar en familia no concurso. Trátase de que escollades un poema tradicional galego ou de autor e gravedes aos nen@s recitándoo. Despois tedes que enviar o arquivo ao correo da asociación, acompañándoo dos vosos datos e dos datos do poema escollido.
Si pinchades na imaxe, tedes ahí toda a información para participar.

O prazo remata o 10 de abril. Animádevos, que mellor que pasar un rato divertido en familia acompañados de poesía!!


E recordade!!

#Sabelaquedanacasa
#Rubiánsquedanacasa

SABELA QUEDA NA CASA!

Boas!!

Para facer máis amenos estes días na casa, Sabela preséntavos unha serie de recursos coma libros, sesións con contacontos e teatro. Aquí van:


-Eloy Moreno permite que descarguemos durante estes días de forma gratuita o seu libro "Cuentos para quedarse en casa". Unha colección de breves historias para ler en familia. Podedes descargarlo na seguinte imaxe:

-"Rosa contra el virus" é un libro escrito polo Colexio Oficial de Psicoloxía de Madrid para explicarlle aos cativ@s que é un virus e como xestionar as emocións. Ideal tamén para un momento de lectura en familia! Podedes descargalo gratuitamente na seguinte imaxe:

-Kalandraka TV permítenos gozar da súa sección de contos contados. Aquí tendes varias sesións de contacontos no seguinte enlace:
http://www.kalandraka.tv/gl/seccion2.php?id=33

-O Festival Atlántica de Narración Oral amósanos, a través do seu canal en Youtube, contos e cancións de diferentes artistas co lema "O conto non para". O pasado 20 de marzo foi o Día Mundial da Narración Oral e que mellor forma de celebralo que accedendo ao seguinte enlace:
https://www.youtube.com/channel/UCybGqXgBwX8oh7HOk0y6HRg

-Hoxe, 27 de marzo, celébrase o Día Mundial do Teatro. Por iso como último recurso, presentamos a Urdime e o seu festival online "Cantos e contos dende o poleiro". Na súa sección "Cacarexando na memoria" podemos gozar de vídeos en aberto de obras de teatro, entre outros.
Pinchade nas imaxes e deixámosvos coas pezas "A Nena e o Grilo nun barquiño" e "Rubicundo" de Teatro Ghazafelhos :

Esperamos que vos gusten e vos teñan entretid@s un anaco!!

Moito ánimo!! E recordade...

#Sabelaquedanacasa
#Rubiánsquedanacasa

Cada actriz coa súa película!

O rosco de cine!

Recomendacións lectoras Nadal

Os fantásticos libros do CEIP P. de Rubiáns

Hoxe 24 de outrubro celébrase o Día das Bibliotecas Escolares e no cole quixemos conmemoralo facendo unha homenaxe ao libro "Os fantásticos libros voadores do Sr. Morris Lessmore" escrito por

William Joyce e ilustrado por el mesmo en colaboración con Joe Bluhm. Editado en castelán por Alfaguara

Ademais de ler a historia e ver a curta gañadora de un Óscar (que para iso este ano o PDI vai de cine)

fixemos un mural coas nosas fotos cos nosos libros favoritos.

A historia encantounos, non deixedes de lela! 

e o mural quedou chulisimo, non si? 

Sesión curtas!

Ao chegar ao cole o primeiro día entregáronnos unha entrada de cine que tiñamos que conservar.

Todos nos preguntabamos para que sería.

O xoves desvelouse o segredo: tiñamos unha sesión de curtas!

Para iniciarnos no proxecto deste ano visualizamos diferentes curtas; unas fixeronnos rir e outras asomaron algunha bágoa aos ollos e de todas aprendemos algo.

Quen é quen?

Este curso vai ser de cine!

Para empezar terás que recoñecer os personaxes das que veñen caracterizados os profes e a que peli pertencen!

É moi fácil! Fíxate ben!

Completa a ficha que te entregaron no cole e, cando finalices deposita o papel na caixa de correos da entrada da biblioteca antes do 17 de stembro.

Se tes todo correcto recibirás cromos para completar o álbum de Sabela.

Boa sorte e ..... Sabela, cámara e acción!!

Comezamos!!

Comezamos un novo curso cargados de ilusión.

Este vai a ser un ano de película pois o proxecto será: Sabela cámara e acción!

Así que, da man de Sabela, aprenderemos un montón de cousas sobre o cine.

Todo estaba preparado para a gran estrea no Cine Rubiáns e aínda que os verdadeiros protagonistas son o noso alumnado, esta vez os mestres decidiron recibilos caracterizados de protagonistas de película! Foi moi divertido!

A nota predominante de toda a xornada foi a ledicia polo reencontro pero tamén tivemos algún que outro chouro (pouca cousa eh!)

Finalizamos a xornada cos xogos de benvida que nesta ocasión estiveron ambientados en diferentes películas infantís.

Pasámolo en grande!

Sabela, cámara e acción!

COMEZAMOS UNHA NOVA VIAXE!!!

Nenos e nenas, comeza un novo e emocionante curso no cole de Rubiáns. Este ano, vai ser un ano de viaxes polo mellor sitio do mundo: GALICIA!!! Teremos que aprender moito para axudar a Sabela a coñecela a fondo. Os seus bosques, as súas praias, as súas cidades, os seus pobos, as súas músicas, os seus deportes, os seus alimentos... e, sobre todo, a súa lingua.

Así que xa sabedes, poñede a mochila, comezade a camiñar e enchédea de experiencias e coñecementos.

Actividades Letras Galegas 2018

Para facer as actividades en pantalla completa, pica nos tres puntiños e logo nas flechas.
Demostra canto sabes!!!

Visita Susa Herrea

No CEIP de Rubiáns encántannos as visitas e nesta ocasión, tivemos a sorte de contar coa visita de Susa Herrera.

Susa veu presentarnos o seu traballo "Cantos animais" un libro-disco cheo de alegres cancións nos que os protagonistas son os animais que tanto nos gustan: o cangrexo, o crocodilo, a xoaniña o elefante e ata un poni que falaba "inglés do que se entende"

Coa súa música, fixo as delicias non só dos máis pequenos do cole se non tamén dos mestres (moitos antigos alumnos de Susa na Universidade)

Día do Libro 2018

Hoxe, como cada 23 de abril, conmemoramos o Día do Libro.
Fixemos unha actividade que nos encanta. De 3º a 5º apadriñamos a un neno/a ao que lle lemos un conto escollido por nós.
Este ano tivemos moita sorte,  fixo un día marabilloso así que puidemos gozar da lectura ao aire libre.
Ao rematar os nosos "afillados" agasalláronnos cun marcapáxinas de "Sabela viaxa no tempo" moi chulo.
Tamén fixemos un minilibro sobre os castros.
Lembra: “Un libro aberto é un cerebro que fala; pechado, un amigo que espera; esquecido, unha alma que perdoa; destruído, un corazón que chora”.
Proverbio Indú.

PRESENTAMOS O "RECUNCHO DE LECTURA FAMILIAR"

Xa podedes disfrutar dunha selección de títulos pensados para solucionar as dúbidas que vos xurdan na educación d@s vos@s fill@s.
Todos os martes pola tarde e, co seu número de carné de lector/a, poderedes levalos prestados. PREGUNTADE AO PERSOAL DA BIBLIOTECA.

Presentando o recuncho de lectura familiar!! from Chus Garrido on Vimeo.

TORNEO PARCHÍS

Eres dos que opinan que o parchís é un xogo sinxelo? Pensas que é cuestión de sorte? Iso ocorre porque non xogaches cos mellores. E os mellores están aquí, en Rubiáns.
Se queres comprobalo, apúntate ao I Torneo de Parchís do CEIP de Rubiáns e demostra a túa calidade.

CIENCIA NA ESCOLA

Despois de todos estes meses enredando coa ciencia, vai sendo hora de ver unha pequena mostra dos espectaculares experimentos que os rapaces e as rapazas de Rubiáns prepararon na súa casa e explicaron aos seus compañeiros e compañeiras.

Seguimos facendo historia!!!

CIENCIA EN RUBIÁNS from BIBLIOTECA RUBIANS on Vimeo.

Recomendacións de lectura

Como cada Nadal o equipo da Biblioteca do cole, xunto con Sabela, realiza unha selección de libros moi intersantes para todas as idades.
Dende os máis cativos aos máis pequenos non esquezades incluír na vosa carta algún libro porque xa sabedes que "Ler non pasa de moda"

MAGOSTO

Pensabamos que ía ser difícil atopar moitos e moi variados refráns sobre o magosto e o outono pero, as familias sempre nos sorprenden. Moitas grazas polo voso traballo!!!

EXPERIMENTA CON SABELA

Como sabemos que o curso pasado disfrutáchedes un montón coa nosa Semana da Ciencia e os experimentos na biblioteca, imos propoñer un reto. Sodes capaces de facer algún experimento na casa e mostrarllo no cole ao resto dos compañeiros? Esta é unha actividade para valentes. Estamos seguros de que imos a alucinar cos vosos traballos. 

DÍA DAS BIBLIOTECAS

Hoxe 24 de outubro, celebramos o Dia das Bibliotecas dun modo moi especial. Os libros saíron de paseo na hora do recreo e poidemos disfrutar da lectura nun sitio privilexiado.