APRENDE MÁIS SOBRE PICASSO

UN ENTROIDO CHEO DE COR

Xa sabedes que este curso estamos a traballar a arte, por eso moitos de nós nos disfrazamos de pintores. Tamén había arlequíns, sevillanas, o grito, paletas de pintor, O kimono...

Mirade que ben o pasamos!

QUERES SER UN ARTISTA?

Podes ser un artista e deseñar os teus propios retratos ó estilo Picasso dende este enlace.

 

PICASSO EN ACCIÓN

Queres ver a Picasso en acción? Neste vídeo podes velo pintando en 1950, con 69 anos.

UN ENTROIDO DE COR!

Ola!

Sabedes que está chegando o Entroido? E xa pensáchedes nalgún disfraz?  Non? Pois vouvos dar unha idea. Como estamos traballando a pintura podiades disfrazarvos de pintores ou de personaxe dalgún cadro, de tubo de pintura… Xa veredes ímolo pasar xenial. E eu…. de que irei?
 

 

QUERIDO COLORÍN

Colorín contestoume e eu tiven tanto que facer que non puiden quedar con el. Espero que non me esquecera e aínda queira verme. Agora tócame a min mandarlle a correspondencia.

Sei que, como din algúns nenos, o noso é un amor imposible pois el precisa do mar e eu das árbores, pero ó mellor na nosa paixón polos libros atopamos unha solución. Mirarei nos libros de consulta e tamén nos de fantasía e si queredes podedes axudarme. Si se vos ocorre algunha solución podedes poñela no apartado de comentarios.

Moitas grazas nenos por axudarme.

Podedes ver as cartas na sección de produccións propias da nosa biblioteca.

Campo de xirasois

Facemos un puzzle de xirasois? Pero esta vez non están nun xarrón, se non no campo. É o cadro  "Campo de xirasois", de Vincent Van Gogh.

Xogando coa noite estrelada

Petros Vrellis é un artista e inxeniero grego que logrou darlle vida á famosa pintura de Van Gogh, a través dun programa informático con só mover un dedo sobre a pantalla.

TRABALLANDO CON VAN GOGH

Seguimos a traballar con Van Gogh. na entrada da biblioteca temos un gran mural no que o alumnado de 5º reproduciu o autorretrato de Van Gogh en setembro de 1889. Acompañándoo hai unha mostra dlagúns dos seus cadros.

Ó lado a súa biografía explícanos os datos máis importantes da súa vida.

CAMILLE Y LOS GIRASOLES

No blogue Artcole da profe de inglés María atopamos o conto de Camille y los girasoles. Si o les coñecerás un pouquiño máis a vida e as obras de Vincent Van Gogh.

Open publication - Free publishing

Si queredes ler o conto en inglés podedes retiralo na biblioteca.

PRIMEIROS PASOS

Esta entrañable escea mostra unha nena dando os seus primeiros pasos.

OS DESCARGADORES DE ARLES

Nesta ocasión Van Gogh plasma  un motivo mariñeiro.

A ÁRBORE

Outra obra excepcional deste gran pintor é "A árbore". Queres ver como é? Anímate e fai o crebacabezas.

AUTORRETRATO DE SETEMBRO DE 1889

Outro ben difícil. Seguide o meu consello, facédeo a 1ª vez coa plantilla debaixo (premede na pantasma)

OS XIRASOIS

E que vos parece si facemos o puzzle do seu cadro máis famoso?
20 Os xirasois

MORCEGO

Agora é o turno dun puzle máis dificiliño: O morcego, que están a traballar os nenos de 6º.

55 Morcego

A ver si sodes quen de facelo en menos de 10 minutos tendo debaixo a plantilla (premer na pantasma para poñela).

NOITE ESTRELADA

Probade agora con esta outra obra fundamental do artista holandés. Aínda é moi doado. Podedes facelo sen pistas en menos dun minuto?
12 A noite estrelada

A HABITACIÓN DE VINCENT VAN GOGH EN ARLES

Este primeiro crebacabezas realizado coas pinturas de Vincent Van Gogh é moi sinxelo así que probade a facelo sin pistas e en pouco tempo. Quen o fai máis rápido?

6

La habitación de Van Gogh en Arles

QUE HAI DE NOVO AMIGOS?

Ola a todos!:

Hai moito que non falaba con vós e é que estiven tan ocupada... Estiven viaxando polo mundo e despois de achegarme a Londres para coñecer de preto as Olimpiadas e as Paralimpíadas fixen algo máis tranquilo: VISITAR MUSEOS.

 

Nin vos imaxinades a cantidade de cadros fermosos que existen! Así que ... qué virá agora?

 

Pois sí, este curso imos achegarnos á arte. Ata o Nadal coñeceremos un pouquiño de Vincent Van Gogh, un gran artista!



Visita de Dani Barreiro

Onte visitou o noso colexio Dani Barreiro, deportista vilagarcián que consigueu 2 diplomas paralímpicos nos Xogos Paralímpicos de Atlanta 1996.

Foi un día maravilloso no que todos aprendemos e disfrutamos moito. En primeiro lugar os alumnos de infantil escoitaron todo o que Dani tiñan que contarlles e logo probaron o goalball. Pasárono en grande!

Logo foi o turno dos maiores. Estiveron tan atentos e interesados e fixéronlles tantas preguntas que as profes tiveron que paralos porque senon non poderían probar todos o goalball.

Esta experiencia está recollida nos xornais de edición local. Podedes ver os artigos e fotos que publicaron nestes enlaces:

• Faro de Vigo
• La Voz de Galicia
• Diario de Arousa

GRAZAS, DANI, POR VIR E ACERCARNOS AOS XOGOS PARALÍMPICOS E Ó MUNDO DOS DICAPACITADOS. 

Mañá visítanos... Dani Barreiro

Nenos!
Mañá ven ó noso cole Daniel Barreiro Garrido!
Que quen é? Pero non o sabedes?
Segundo me contaron por ahí participou nos Xogos Paralímpicos de Atlanta en 1996 na modalidade de ciclismo (tándem) como guía dun ciclista cego. Que envexa! Estar nunhas paralimpíadas...

Agora traballa coma Técnico da Federación Española de Deportes para Cegos (FEDC) e a Organización Nacional de Cegos de España (ONCE).

Falaranos dos deportes paralímpicos pero as súas especialidades son ciclismo e goalball. Le máis sobre estes deportes nos enlaces.

OS XOGOS PARALÍMPICOS

En breve comezaran os Xogos Olímpicos e ó seu remate, e non por iso menos importante, será o momento dos Xogos Paralímpicos, os Xogos para persoas discapacitadas.

Na páxina oficial do Comite Paralímpico podedes ler información de todos estes deportes:  atletismo, baloncesto, boccia, ciclismo, esgrima, esquí, fútbol-5, fútbol-7, goalball, halterofilia, hípica, judo, natación, remo, rugby, tenis, ping pong, tiro con arco, tiro olímpico, vela e voleibol.

UNHA SEMANA MOI MOVIDIÑA...

Que envexa me dades nenos!
Segundo me contaron esta semana tedes unha morea de actividades previstas. Co que me gusta a min facer deporte... Igual me colo por algunha esquiniña para vervos... je, je.

Escoitade todo o que haberá:

• O luns darannos unha charla informativa sobre as precaucións que debemos tomar ó entrar en internet.
• O martes o alumnado do 3º ciclo irá a xogar a Nantes (Sanxenxo).
• O martes pola tarde (ás 18:30) será o turno para que os pais coñezen os perigos de internet e as precaucións que se deben tomar.
• O xoves virán ó noso cole os nenos do CEIP Cruceiro, de Vilalonga, para xogar cos alumnos de 3º e 4º.
• O venres será a festa do deporte e, de novo, o alumnado de 3º ciclo disfrutará dunha xornada deportiva.

Non me digades que non é unha semana movidiña...

QUE SUSTO!

Hoxe estreouse no centro a curta Que susto! realizada polos nenos de 5 anos dentro do programa Nós tamén creamos!
Nós tamén creamos! é unha iniciativa promovida pola Secretaría Xeral de Política Lingüística e a Dirección Xeral de Educación, Formación Profesional e Innovación Educativa en colaboración coa Compañía de Radio-Televisión de Galicia e con OQOeditora.
Trátase de pasar de ver curtas en galego... a crealas!

QUE SUSTO!

VOLVEN AS TRADICIÓNS

Este 1º de maio trouxo con el a volta ás tradicións, pois tras uns anos sin participar, o Ceip de Rubiáns estivo presente na exposición de maios, nesta ocasión da man da ANPA.

Despois de moitas horas de traballo e moita, moita ilusión conseguiron facer un cono tradicional e un hórreo no apartado  artístico.

Aínda que moitos nenos estaban moi nerviosos pasárono moi ben, e un cachiño de rosca fixo que todo se esquecera.

Noraboa!